Byun Sung Xvan: «Ikkinchi bo'limda himoyachilarimizning xatolari tufayli O'zbekistonga yutqazdik»

Janubiy Koreya o'smirlar terma jamoasi bosh murabbiyi Byun Sung Xvan Osiyo chempionati saralash bosqichi doirasida o'tkazilgan O'zbekistonga qarshi o'yindan so'ng o'z fikrlari bilan o'rtoqlashdi.

O'yin haqida
- Avvalo O'zbekiston terma jamoasini keyingi bosqichga chiqqani bilan tabriklayman. O'yinga kelsak, undan qoniqmadim.

Koreyaning ikki bo'limdagi o'yini haqida
- Birinchi bo'limda biz bosimni yaxshi ushlab turdik. Ikkinchi bo'limda himoyachilarimiz xatolari tufayli biz gol o'tkazib yubordik. Natijadan qoniqmadik, lekin futbolchilarim ko'p ishni bajarishdi. Biroq natija biz kutgandek bo'lmadi.