Bahrayn termasi bosh murabbiyi: "O'tgan bellashuvda yo'l qo'ygan xatolarni tahlil qilib, raqibni yaxshi o'rganib chiqqan holda o'yin davomida bor kuchimizni ishga solishimiz kerak bo'ladi"

Bahrayn futzal terma jamoasi bosh murabbiyi Marselino da Silva O'zbekistonga qarshi bo'lib o'tadigan Osiyo kubogi 3-turidan avval o'z fikrlari bilan o'rtoqlashdi.

"O'zbekistonning maydondagi tarkibi har 4 daqiqada o'zgarib turishini barcha yaxshi biladi. Ammo, biz birinchi navbatda tiklanishimiz lozim. O'tgan bellashuvda yo'l qo'ygan xatolarni tahlil qilib, raqibni yaxshi o'rganib chiqqan holda o'yin davomida bor kuchimizni ishga solishimiz kerak bo'ladi", - dedi Bahrayn bosh murabbiyi.

Eslatib o'tamiz, O'zbekiston - Bahrayn uchrashuvi 1 oktyabr, Toshkent vaqti bilan 16:00'da start oladi.