Parij-2024ga yo'llanma beruvchi U-23 Osiyo kubogi mezboni aniqlandi

Kuala-Lumpur shahrida bo'lib o'tgan Osiyo Futbol Konfederatsiyasi Musobaqalar qo'mitasining beshinchi yig'ilishida Qatar davlati 23 yoshgacha bo'lgan futbolchilar o'rtasidagi Osiyo Kubogi-2024™ mezboni sifatida ma'lum qilindi.

Qayd etilishicha, joriy yilning sentyabr oyida futbol bo'yicha 2022 yilgi Jahon chempionatiga mezbonlik qiladigan Qatar beshta nomzodlar (Eron Islom Respublikasi, Saudiya Arabistoni, O'zbekiston va Birlashgan Arab Amirliklari) orasidan Qo'mita tomonidan tanlab olindi.

Bundan tashqari, xabarda ta'kidlanishicha, pandemiyaning butun Osiyo bo'ylab ta'siri kamayib borayotganini inobatga olgan holda, Qo'mita OFK Ijroiya qo'mitasiga 2023 yildan boshlab Kovid-19 pandemiyasi davrida OFK musobaqalariga qo'llaniladigan maxsus qoidalarning amal qilishini to'xtatishni tavsiya qilishga rozi bo'ldi.