"Bolonya" sport direktori: "Arnautovichning o'zi "MYu"ga o'tishni xohlamadi"

Italiyaning "Bolonya" klubi sport direktori Marko di Vayo Marko Arnautovichning "Manchester Yunayted"ga o'tishi amalga oshmagani haqida fikr bildirdi.

Yozda "qizil iblislar" 33 yoshli avstriyalik hujumchining transferi bo'yicha muzokaralar olib borayotgan edi, biroq o'shanda xabar qilinganidek, "MYu" muxlislarining noroziligi tufayli shartnomadan voz kechgan. Di Vayoning so'zlariga ko'ra, hamma narsa boshqacha edi.

"Gap "Manchester Yunayted" muxlislarining noroziligida emas, balki Arnautovichning o'zi bu transferni rad etdi, chunki u "Bolonya"ni tark etishni istamadi. U klubda va shaharda uni qanchalik qadrlashini biladi va o'zini haqiqiy chempiondek tutdi", - deydi italiyalik mutaxassis Corriere dello Sport nashriga bergan intervyusida.