Artur formaga qaytdi

Yarim himoyachi Artur Meloning agenti mijozining "Liverpul"ga o'tish istagi haqida gapirdi.

Braziliyalik futbolchi avgust oyi oxirida "Yuventus"dan ijara asosida sotib olish sharti bilan "qizillar" safiga qo'shildi, ammo shu kungacha asosiy tarkibda faqat bir marta maydonga tushdi.

“Arturga formasini qaytarish uchun qo'shimcha vaqt kerak edi. Qolaversa, ingliz va italyan futboli o'rtasidagi jiddiy farqlar ham o'z ta'sirini o'tkazdi.

Endi u optimal sharoitlarga erishdi va to'liq murabbiy ixtiyoriga qaytdi. Men Arturning «Liverpul»da o'zini ko'rsatish qobiliyatiga shubha qilmayman", - deydi futbolchining vakili.