Varan: "Manchester Siti" va "Liverpul" kabi jamoalarni mag'lub etishni istaymiz"

"Manchester Yunayted" himoyachisi Rafael Varan hafta oxirida bo'lib o'tishi kutilayotgan "Manchester Siti"ga qarshi bo'lajak derbining ahamiyati haqida fikr bildirdi.

“Raqobat asosan muxlislardan kelib chiqadi, bu ular uchun muhim va biz buni hurmat qilamiz. Biz ularni xursand qilmoqchimiz, shuning uchun ham “Siti” va “Liverpul” kabi jamoalar bilan kurashishni va ularni mag'lub etishni istaymiz. Muxlislar sizdan nimani kutishlarini va ular nimani xohlashlarini his qilishingiz kerak. Bu juda muhim", - deya Varanning so'zlarini keltiradi L'Equipe.

Eslatib o'tamiz, "Manchester Yunayted" - "Manchester Siti" uchrashuvi 2 oktyabr, yakshanba kuni bo'lib o'tadi. Uchrashuv "Etihad" stadionida bo'lib o'tadi. Hakamning start hushtagi Toshkent vaqti bilan 18:00 da yangraydi.