"Real" Kanselu uchun qancha bermoqchi ekanligi ma'lum

Madridning “Real” klubi “Manchester Siti” va Portugaliya terma jamoasi himoyachisi Joau Kanseluga qiziqish bildirmoqda, deb xabar beradi AS.

Manbaga ko'ra, ispan klubi futbolchini kelasi yozda qo'lga kiritishga umid qilmoqda va u uchun 40-50 million evro to'lashga tayyor. Futbolchining o'zi Madrid lageriga borishni xohlaydi.

28 yoshli Kanselu joriy mavsum “Manchester Siti” safida 10 ta o'yinda maydonga tushib, 1 ta gol urdi va 3 ta golli uzatmani amalga oshirdi. Uning klub bilan shartnomasi 2027 yilning yoziga qadar mo'ljallangan.