Pochettino Frantsiya chempionatida ish boshlashi mumkin

Maurisio Pochettino tez orada Frantsiya chempionatiga qaytishi mumkin. "Nitstsa" klubi parijliklarning sobiq ustozi xizmatlariga qiziqish bildirmoqda.

Qayd etilishicha, “burgutlar” rahbariyati jamoaga yaqinda kelib qo'shilgan Lyusen Favrdan norozi. Frantsiya OAVlarining mish-mishlariga ko'ra, argentinalik mutaxassis seshanba kuni yangi klub bo'yicha muzokara olib boradi.

Eslatib o'tamiz, “Nitstsa” Liga 1ning joriy mavsumini dahshatli boshladi.Sakkizta jangdan so'ng jamoa 8 ochko bilan 13-o'rinda bormoqda. Yozda “Nitstsa” safiga Aaron Remsi, Nikolas Pepe, Kasper Shmeyxel va Ross Barkli kabi APLning top-klublarini sobiq futbolchilari kelib qo'shildi.