Emirates bilan hamkorlik orqali "Real" qancha mablag' ishlab olishi ma'lum qilindi

Madridning “Real” klubi rahbariyati Emirates aviakompaniyasi vakillari bilan muvaffaqiyatli muzokaralar olib bordi. Marca nashrining ma'lum qilishcha, tomonlar tez orada 2026 yilgacha mo'ljallangan yangi shartnomaga imzo chekishadi.

Yangi shartnoma shartlariga ko'ra, "qirollik klubi" homiydan yiliga 70 million evro oladi. Yana o'n million "qaymoqranglilar" muvaffaqiyatli natijalari tufayli pul ishlashlari mumkin bo'ladi.

"Real" yangi mavsumni ketma-ket to'qqizta g'alaba bilan boshladi. Ispaniya chempionatida Karlo Anchelotti shogirdlari “Barselona”ni ikki ochkoga ortda qoldirib, birinchi o'rinda bormoqda.