"Inter"ga qarshi o'yinda "Udineze" futbolchisining uyini o'g'ri urib ketdi

Italiya chempionatining 7-turidan o'rin olgan “Inter”ga (3:1) qarshi o'yinda “Udineze” yarim himoyachisi Tolgay Arslonning uyini o'g'ri urib ketdi.

O'g'rilar 32 yoshli turkning uyidan 12 ming evrolik buyumlar, jumladan, ikkita kompyuter va tilla taqinchoqlarni olib chiqib ketishgan.

Futbolchining oila a'zolari o'yinda Arslonni qo'llab-quvvatlagani uchun uyda bo'lmagan.

14 sentyabr kuni noma'lum shaxslar Chempionlar ligasi doirasida “Barselona”ga qarshi o'yinda “Bavariya” hujumchisi Tomas Myullerning uyini talon-taroj qilishdi.