Noodatiy uslub «Atalanta»ga omad keltirmoqdami?
/ Kiritdi: BestMaster Ko'rilgan: 78
Kutilmagani «Atalanta»ning peshqadamligi emas, buni avvalam ko'p ko'rganmiz. Bu erda noodatiy holat — bergamoliklarning o'yin uslubi. Shu paytgacha Gasperini bizga qanday jamoa namoyish etgan bo'lsa, shuning butunlay teskari «Atalanta»ni ko'ryapmiz va u 1-o'rinda bormoqda.
Avvalgi «Atalanta» yuqori pressing qiladigan, to'pni nazoratiga e'tibor qaratadigan va bu uslubni Italiyada yo'lboshchisi bo'lgan jamoa edi.
Hozir «Atalanta» to'p nazorati bo'yicha 16chi, golli vaziyatlar bo'yicha 8chi, aniq zarbalarda 9chi, aniq paslar bo'yicha 17chi, raqib maydonida to'pni olib qo'yish bo'yicha esa, 15chi o'rinda.
Shu bilan birga, vertikal paslar, hujumni qaytarish, quruq o'yinlar bo'yicha etakchilardan biri. Eng kam gol o'tkazgan. Eng ko'p penalti tepgan. «Atalanta»mi bu «Inter»?
Albatta, Gasperini birdaniga o'zgarishi, jamoasi boshqacha o'ynay boshlashi imkonsiz. Shunchaki, «Atalanta» mavsumning hamma o'yinida hisobni ochgan va uyog'iga hisobga qarab o'ynamoqda. Aksariyat o'yinlarda g'alabani ushlab qoldi ham.
Bu darajada anormallik natijalarning vaqtincha ekanini ham ko'rsatadi. Omad ham o'tgan mavsumlardagi qarzini to'lamoqda.
Balkim «A Seriya»da barqaror jamoaning o'zi chiqmayotgan va 2-o'rinni «Udineze» egallab turgan mavsumda «Atalanta»ga omad kulib boqar?
Darvoqe, yana bir o'ta muhim jihat. Bu yil JCh ham bor. Ya'ni oktyabrdan boshlab to martgacha evrokubokda o'ynaydigan jamoalar haftasiga ikki o'yinli rejimda to'p suradi. «Atalanta» esa, raqobatchilar ichida Evropada o'ynamayotgan yagona klubdir. Bundan tashqari, jamoa safida mundialga bormaydigan futbolchilar ham nisbatan ko'proq. Ya'ni Gasperini bu safar aynan jismoniy ustunlikka urg'u berib, mavsumdagi eng tetik jamoa sifatida qo'shimcha imkoniyat yaratishi mumkin. Kuzatamiz.
Qahramon Aslanov.
Bosh sahifaga
246
