Vadim Abramov: «Nima ham derdim, kurashishda davom etamiz»

«Dinamo» bosh murabbiyi Vadim Abramov Superliganing 19-turi doirasida «Neftchi»ga qarshi bo'lib o'tgan o'yin (4:1) borasida o'z fikrlarini bildirdi.

— "Neftchi"ni g'alaba bilan tabriklayman. Ular g'alabaga haqli bo'lishdi. Birinchi bo'limda o'z rejalarimiz asosida harakat qilgan bo'lsak, ikkinchi bo'lim boshida gol o'tkazib yuborgach, o'yinimiz buzilib ketdi.

— Zaxiradan maydonga tushgan futbolchilar o'yinni kuchaytira olishmadi. Bu haqda nima deya olasiz?
— Afsuski, zaxira o'rindig'imiz keng emas. Asosiy tarkibning o'rnini bosa oladigan futbolchilar yo'q.

— Jamoada Superligada qolish uchun deyarli imkoniyat qolmadi. Futbolchilarni keyingi o'yinlarga tayyorlash qiyin bo'lmaydimi?
— Odatdagidek tayyorlanamiz. Hali nazariy jihatdan imkoniyatlarni to'la yo'qotmadik. Kurashishda davom etamiz.

— Hakamlik haqida nima deya olasiz?
— Hakamlar o'yinni yaxshi boshqarishdi. Ular o'ynashga berishdi.