"Montsa" ustozi: "Yuventus"ning imkoniyatlarini cheklab qo'ydik"

"Montsa" bosh murabbiyi Rafael Palladino "Yuventus" ustidan qozonilgan g'alabadan (1:0) keyingi fikrlari bilan o'rtoqlashdi.

“Ajoyib kun. Kiyinish xonasida ziyofat. Bu aql bovar qilmaydigan va kutilmagan edi.

Garchi o'yinchilar chin yurakdan o'ynashlarini bilardim. Hafta davomida men ularning ko'zlarida istakni ko'rdim. Bu g'alaba faqat ularning xizmatlari, ular borini berdilar.

"Yuventus"da muammolar bor edi, chunki biz barcha ochiq xududlarni yopdik va ularning imkoniyatlarini cheklab qo'ydik.

Prezident Silvio Berluskoni menga qo'ng'iroq qildi. U juda xursand bo'ldi va bizga iltifot aytdi. Adriano Galliani yig'ladi - bu juda ajoyib hissiyot edi.

Gallianiga ham, Berluskoniga ham rahmat aytishim kerak, chunki dushanba kuni ular menga jamoani ishonib topshirishganida, ular menga katta mas'uliyat yuklagan. Ular menga o'z orzumni sovg'a qilishdi va men ularga umrim davomida rahmat aytaman”, - dedi Rafael Palladino.