Xoland ketma-ket 7 o'yindan buyon gol urmoqda

Erling Xoland "Manchester Siti"dagi golli seriyasini uzaytirdi.

“Shaharliklar” hujumchisi APLning 8-turidan o'rin olgan uchrashuvda (3:0) 16-daqiqada “Vulverxempton” darvozasini ishg'ol qildi.

Norvegiyalik futbolchi ketma-ket ettita o'yindan buyon gol urmoqda. Bu davrda uning hisobida 12 ta gol bor.

Umuman olganda, 22 yoshli hujumchi "Siti" safida barcha musobaqalarda 10 o'yinda 14 ta gol urgan.

Premer-ligada u 7 ta o'yinda 11 ta gol urdi va to'purarlar ro'yxatida birinchi o'rinni egallab turibdi. Ikkinchi o'rindagi Aleksandr Mitrovich (Fulxem) hisobida 6 ta gol bor.

Xoland shuningdek, Premer-ligadagi birinchi mehmondagi to'rtta o'yinda gol urgan birinchi futbolchiga aylandi.