Musiala: "O'zgacha o'yin bo'ldi"

Jamol Musiala "Bavariya"ning Chempionlar ligasida "Barselona" ustidan qozonilgan g'alabasini (2:0) yuqori baholadi.

“Bu o'yin o'zgacha bo'ldi. Hamma g'alaba qozonishni xohlardi, bu hatto muxlislar darajasida ham sezildi. Hamma g'alabaga tashnalik bilan maydonga chiqdi. Bunday o'yinlarni hamma orzu qiladi.

Muxlislar o'rtasidagi muhit ajoyib edi, o'yinning o'zi ham uning davomida hayajonli bo'ldi”, - dedi “Bavariya” yarim himoyachisi.