Velosportchilarimiz Osiyo chempionatiga jiddiy tayyorgarlik ko'rmoqdalar

Xabaringiz bor, 2019 yilning aprel oyida yurtimizda velosportning shosse yo'nalishi bo'yicha Osiyo chempionati bo'lib o'tadi.

Ana shu musobaqaga munosib tayyorgarlik ko'rish maqsadida, shosse bo'yicha terma jamoamiz a'zolari shu kunlarda Toshkent viloyatining G'azalkent shahrida o'quv-mashg'ulot yig'inlari olib bormoqdalar. Terma jamoamizning 16 nafar sportchisi murabbiy Yu.Abrekov boshchiligida 20 dekabrga qadar yig'in o'tkazadilar.

Eslatib o'tamiz, shosse bo'yicha Osiyo chempionati kelasi yilning 22-28 aprel kunlari Toshkentda o'tkaziladi. Bahslarda qit'amizning 40 ga yaqin davlatidan 600 nafardan ziyod velosportchi ishtirok etishi kutilmoqda. Ushbu Osiyo chempionati Tokio 2020 Olimpiadasiga litsenziya taqdim etuvchi musobaqa hisoblanadi.