Ular endi super yulduz emas…

  Hozirgi zamonaviy futbol olamida mashhurlikka erishish oson emas. Lekin uni yo'qotib qo'yish juda ham oson. Bugun o'z klublarining muxlislarini ishonchini oqlay olmayotgan bir nechta top futbolchilar haqida so'zyuritamiz…

Manuel Noer – «Bavariya»

  Bu darvozabon yaqin o'tmishda «Oltin to'p» sovrinining final qismigacha etib kelgan edi. Ana o'sha paytlar Noer sayyoramizning eng yaxshi darvozaboni deya atalar, uning seyflaridan butun dunyo hayratda edi. Ammo 3 yil mobaynida olingan 2 ta jarohat hammasini o'zgartiirb yubordi. Futbolchi sog'lig'ini tiklay oldi. Ammo o'z super formasiga qayta olmadi. Ayniqsa JCh dagi «Nemis mashinasi»ning omadsiz ishtirokida ko'pchilik aynan Noerni aybladi. Hozirda Manul «Bavariya» tarkibida ham ishonchli o'yin namoyish eta olmayabdi. Terma jamoa muhlislari esa allaqachon asosiyi tarkibda unga joy yo'qligini ochiqchasiga bayon qilishmoqda. Katta ehtimol bilan Noer asosiy tarkibdagi o'rnini «Barselona» kipperi Ter Shtegenga bo'shatib bersa ajab emas.

 Garet Beyl- «Real Madrid»

   Uchar Uelslik hujumchining ishlari ham havas qilarlik darajada emas. Ronaldu ketgach, «Madrid»da bo'shab qolgan taxtga «Qirollik klubi» yangi qahramon qidirmadi. Ular Beylni taxtga o'tkazishdi. Afsuski, Qirol bo'lish Beylning qo'lidan kelmayapti. Bunga futbolchining haddan tashqari ko'p jarohat olgani ham sabab deya olamiz.Deyarli 30 yoshni urib qo'ygan Vinger muhlislar kutganicha o'yin ko'rsata olmayapti. U «Tottenhem»ga o'z vaqtida fantastik summaga o'tgan edi. 2016- yilda esa” ESPN” nashri Beylni Evropa qit'asining eng mashhur sportchilar reytingida 16- o'rinni qayt etgandi. Hozirda esa Beyl bu reytingda deyarli 50 pog'ona pastlagan. Beylning ishlari havas qilsa arzigudek emas. U o'z darajasiga ham chiqa olmayapti.

   Aleksis Sanchez- «Manchester Yunayted»

 Chililik futbolchi «Benazir»ninig navbatadagi omadsiz xaridi deya aytilmoqda. Bunga qisman qo'shilsakham bo'ladi. «Arsenal»da o'ynab yurgan paytlari uning tezkor harakatlari,ajoyib paslari, eng muhimi har mavsumda kamida 10 ta gol ura oladigan forvardni (Aleksis «Arsenal» tarkibida 122 ta o'yinda qatnashib 60 ta gol urgan) «Manchester»da kutishgan edi. Afsuski, «Qizil iblislar» tarkibida biz Sanchesni yo'qotib qo'ydik. Futbolchi asosiy tarkibdan joy ola olmayapti. Zahira o'yinchisiga aylandi desak ham bo'ladi. Mourning himoyaviy futbolida tezkor Aleksisga joy toplmayapti. Umuman olganda, u jamoasini almashtirib xato qildi. Ayniqsa, hozirda «Manchester Yunayted» kuchli to'rtlikka yaqinlasha olmayapti, «Arsenal» esa aksincha bu mavsum ishonchli o'yin ko'rsatmoqda. Bechora Aleksis sovrin yutish uchun kelganidi «Manchester Yunayted»ga… Chililik futbolchi jamoasini yana o'zgartirishi kerak. Unga hozirda «PSJ» va «Yuventus»dan jiddiy takliflar bor. Agar u jamoasini o'zgartirmasa,karierasi xavf ostida qoladi.

Tiba Kurtua –«Real Madrid»

  Afsuski bu futbolchi karierasida keskin pasayish yuz berdi. Darvozabonlar uchun ancha katta bo'lgan summaga «Real Madrid» jamoasiga o'tgan kipper, kutilgan o'yinni ko'rsata olmayapti. O'zi umuman olganda, «Real» mutasaddilari Keylor Navasning qadriga etishmadi. Aks holda yaxshi bir hujumchi sotib olish mumkin bo'lgan summaga darvozabon olisharmidi. Eng achinarlisi Kurtua «Real» ga kelgach ilk «El- klassiko»da besh marotaba darvozasidan to'p olib chiqdi. Uning o'yinlari u qadar ham ishonchli chiqmayapti. «Real» bu mavsum bir nechta mag'lubiyatlarni qabul qilib oldi. Eng qizig'i o'tgan mavsumda umumiy hisobda butun mavsum bo'yicha”Real Madrid” shuncha mag'lubiyatga uchragan edi. Hali mavsumning yarmi ham o'tmaganini hisobga olsak, «Qaymoq rangliklar» bu mavsumda o'tgan yildan yomonroq finish qilsa kerak. Kurtua deyarli yarim mavsumning o'zidayoq darbozabonlar reytingida ham, transfermarketdagi narxi ham ancha pastlab ketdi… Lekin Tiboninig hali yoshligini hisobga olsak, yuqoridagi futbolchilardan ko'ra bu yigitda vaziyatni o'nglash uchun hali imkoniyat bor. Buning uchun hammasini boshidan boshlash va o'z darajasida o'yin ko'rsatishning o'zi kifoya.

Yahyoxo'ja Ulug'xo'jaev