"Paxtakor-79" xotirasiga bag'ishlab "Zenit" va "Paxtakor" faxriylar jamoalari o'yini o'tkaziladi

13 avgust kuni Rossiyaning Pushkin shahrida "Paxtakor-79" marhum a'zolari sharafiga bahs bo'lib o'tadi.

Unda "Paxtakor" hamda "Zenit" faxriy futbolchilari maydonga chiqishadi. O'yin Rossiya Federatsiyasi Sport vazirligi, Sankt-Peterburg hukumati ko'magi bilan Yuriy Berestovning "Ayra" texnoparki, Marat Kabaev boshchiligidagi Xalqaro Islom biznesi assotsiatsiyasi tomonidan tashkil qilinmoqda.

Maxsus o'yinda afsonaviy Rinat Dasaev, "Zenit" faxriylari – Dmitriy Radchenko, Aleksandr Spivak, Yuriy Jeludkov, Boris Chuxlov, "Paxtakor" faxriylari – Anatoliy Solovyov, Andrey Pyatnitskiy, Aleksandr Tixonov va boshqalar qatnashishadi.

Shuningdek, o'zbek futboli fidoyilari, halok bo'lgan "Paxtakor-79" jamoasi a'zolari oilalari va yaqinlari uchrashuv mehmoni bo'lishadi. O'yin Toshkent vaqti bilan soat 16:00da (mahalliy vaqt 14:00) Pushkin shahrida joylashgan «Tsarskoe selo» stadionida boshlanadi.

Manba: "Paxtakor" klubi matbuot xizmati