Rabo «PSJ»ning asosiy jamoasidan chetlatildi

PSJ yarim himoyachisi Adrien Rabo asosiy jamoadan chetlatildi. Bu haqda parijliklar bosh murabbiyi Tomas Tuxel xabar berdi.

"Jamoa Andienni jamoadan chetlatishga qaror qildi. Men bu qarorni tushunaman va hurmat qilaman. Endi esa kutamiz. Rabo futbolchi sifatida menga yoqadi, ammo shartnomani uzaytirish bilan bog'liq vaziyat cho'zilib ketdi. Klub qabul qilgan qarorni hurmat qilishim kerak", – dedi Tuxel.

Shuningdek, germaniyalik murabbiy yana qo'shimcha qildi: "Rabo va men o'rtamizda hech qanday muammo yo'q".

Eslatib o'tamiz, Andrien Rabo "PSJ" bilan yangi shartnoma imzolashdan bosh tortib, "Barselona"ga erkin agent sifatida o'tayotgani uchun parijliklar futbolchini shu tariqa jazolashga ahd qilishdi.