O'FAda hududiy futbol akademiyalari direktorlari ishtirokida yig'ilish bo'lib o'tdi

Bugun 11 dekabr kuni O'zbekiston futbol assotsiatsiyasida hududiy bolalar va o'smirlar futbol akademiyalari direktorlari ishtirokida yig'ilish bo'lib o'tdi.

Yig'ilish davomida akademiyalar direktorlari shu kunga qadar bolalar va o'smirlar futbolini rivojlantirish bo'yicha amalga oshirilgan ishlar, akademiyalar faoliyatini yo'lga qo'yish bo'yicha bajarilgan chora-tadbirlar to'g'risida hisobot berishdi va yuzaga kelgan muammolar echimi bo'yicha ularga ko'rsatmalar berildi.

Shuningdek, yig'ilish davomida futbol akademiyalarini malakali mutaxassislar bilshan ta'minlash masalalari ham muhokama qilindi. Bundan tashqari, har oyning boshida hududiy bolalar va o'smirlar futbol akademiyalari tomonidan bajarilgan ishlar bo'yicha O'FAga hisobot berib borishni yo'lga qo'yish bo'yicha ham kelishib olindi.