Ayollar futboli: Tailand safari sarobga aylandi

Olimpiyachilarimiz kabi 19 yoshli qizlar terma jamoamiz ham nufuzli musobaqadan benasib qolishdi.    Myanma shahrida davom etayotgan 19 yoshli qizlar o'rtasida Osiyo chempionati saralash o'yinlari o'zbekistonliklar uchun nihoyasiga etdi.   1-turda maydon egalaridan mag'lubiyatga uchragan, 2-turda esa nepalliklar ustidan yirik hisobda g'alabaga erishgan terma jamoamiz bir necha daqiqa oldin yakuniga etgan Avstraliyaga qarshi o'yinda uch ochkoni qo'lga kiritganlarida musobaqani davom ettirish huquqiga ega bo'lardi. Afsuski, Karima Yo'ldosheva shogirdlari qit'aning kuchli termasiga qarshi o'yinda raqiblariga yirik – 1:4 hisobida yutqazib qo'ydi.   Avstraliya oldingi ikki o'yinda yuz foizli natija ko'rsatib, maqsadiga erishgandi, 2-o'ringa esa biz va mezbonlar termasi da'vogarlik qilayotgandi. Qizlarimiz mag'lub bo'lishdi, hali davom etayotgan Myanma termasining Nepalga qarshi o'yinida maydon egalarining ochko yo'qotishi dengizdan quruq tosh olib chiqishdek gap.   Shunday ekan, kelasi yili Tailandda bo'ladigan Osiyo chempionatining final bosqichi o'zbek qizlarisiz o'tadigan bo'ldi.