Bobo-Usmon Baturov o'zbek bokschilari orasida eng yaxshisi

O'zbekiston boks federatsiyasi qit'a birinchiligi yakunlariga bag'ishlangan tadbir tashkil etdi.   Mazkur tadbirda Osiyo chempionatida ishtirok etgan bokschilarimiz orasida eng yaxshisi aniqlandi.   Unga ko'ra, -69 kg vazn toifasida yurtimiz sharafini himoya qilib, oltin medal sohibiga aylangan Bobo-Usmon Baturov “O'zbekiston terma jamoasining eng yaxshi bokschisi” mukofotiga loyiq ko'rildi.   Bu haqda O'zbekiston boks federatsiyasi matbuot xizmati ma'lum qildi.   Eslatib o'tamiz, Bobo-Usmon Baturov Tailandning Bangkok shahrida o'tkazilgan Osiyo chempionatida yaponiyalik Sevonrets Okazavaga qarshi ringga ko'tarilgan va yakunda oltin medalni qo'lga kiritgan edi.