Yosh karatechilarimiz Osiyo chempionatidan qaytib kelishdi

26-28 aprel kunlari Malayziyaning Kota-Kinabalu shahrida karate bo'yicha yoshlar o'rtasida Osiyo chempionti bo'lib o'tdi.

Mazkur qit'a birinchiligida terma jamoamiz vakillari ham ishtirok etib, yurtimiz sharafini munosib himoya qildilar. Bugun erta tongda ushbu turnirda qatnashgan delegatsiyamiz vakillari poytaxtimizga qaytib kelishdi. Ularni kutib olish tadbirida O'zbekiston MOQ mutasaddilari, sportchilarimizning yaqinlari va OAV vakillari ham ishtirok etdi.

Mazkur Osiyo chempionatida yoshlarimiz 1 tadan oltin va kumush, shuningdek, 2 ta bronza medalini qo'lga kiritishdi. Vakillarimizdan Bonu Egamberdieva shohsupaning yuqori pog'onasiga ko'tarilgan bo'lsa, Bekzod Tuyg'unov kumush medal bilan taqdirlandi. Shuningdek, Asilbek Madaminov hamda Firdavs Ahmadjonov musobaqaning bronza medallariga sazovor bo'lishdi.

E'tiboringizga sportchilarimizni kutib olish jarayonidan qator fotosuratlarni havola qilamiz: