"Napoli" yarim himoyachisi London klubiga rad javobini berdi

"Napoli" yarim himoyachisi Fabian Ruis "Vest Xem"ning qiziqishiga salbiy munosabat bildirdi.

Ingliz klubi shu yoki keyingi mavsumda jamoani tark etishi mumkin bo'lgan Deklan Raysning o'rnini bosa oladigan markaziy yarim himoyachi qidirmoqda.

Ruis ushbu o'ringa nomzodlar qatorida ko'rib chiqildi, ammo futbolchi "Vest Xem"ga o'tishni rejalashtirmayapti.

26 yoshli yarim himoyachi hozir faoliyatining eng qizg'in pallasida va Chempionlar ligasida o'ynaydigan jamoalarning takliflarini ko'rib chiqishga tayyor.

Qayd etilishicha, futbolchining transfer qiymati 40 million evroni tashkil qilishi mumkin.