“Chelsi” Torresga qancha taklif qildi?

“Vilyarreal” himoyachisi Pau Torres yangi mavsumni “Chelsi” safida boshlashi mumkin. Avvalroq London klubi "Sevilya"dan Jyul Kunde transferi bo'yicha muzokaralar olib borayotgandi, ammo transfer to'xtab qoldi.

Antonio Ryudiger va Andreas Kristensen yozda jamoani tark etganidan so'ng, "ko'klar" markaziy himoyachi qidirmoqda. Bu rolga nomzodlardan biri Torresdir.

Qayd etilishicha, London klubi Ispaniya terma jamoasi himoyachisi uchun 50 million evro sarflashga tayyor.

Futbolchi o'tgan mavsumda Ispaniya chempionatida 33 ta o'yinda maydonga tushib, 5ta gol urdi va 1ta golli uzatmani amalga oshirdi.