Rossiyalik futbolchining "Monako"dagi faoliyati davom etadimi?

"Monako" sport direktori Lourens Styuart rossiyalik 26 yoshli yarim himoyachi Aleksandr Golovinning monegaskliklar tarkibidagi kelajagi haqidagi savolga javob berdi.

"Golovin haqiqatan ham keyingi mavsumda "Monako"da qoladi. Klub uni sotishni rejalashtirmayapti", - deya Styuartdan iqtibos keltiradi Sport24.

Eslatib o'tamiz, avvalroq "Chempionat" qishda "Monako" Golovinni "Nyukasl"ga 40 million evroga sotishdan bosh tortgani haqida xabar bergan edi.