"Aston Villa" hujumchisi faoliyatini ispan klubida davom ettiradi

"Aston Villa" hujumchisi Uesli "Levante"ga o'tdi, deb xabar beradi klub rasmiy sayti.

25 yoshli braziliyalik bilan ijara shartnomasi 2022/23 yilgi mavsum oxirigacha amal qiladi. "Levante" kelasi mavsumda Segundada o'ynaydi.

Uesli 2019 yilning yozida 25 million evro evaziga “Aston Villa”ga o'tgan edi, bu vaqt ichida u birmingemliklar safida 26 ta o'yinda maydonga tushib, 6 ta gol urgan.

Uesli o'tgan mavsumni "Bryugge" va "Internasonal"da ijara asosida o'tkazdi. Umuman olganda, u 26 ta o'yinda maydonga tushib, ikkita gol urgan.