"Bavariya" Levandovski o'rniga super xaridni amalga oshiradi

Myunxenning "Bavariya" klubi shu yozda "Barselona"ga ko'chib o'tgan polyak Robert Levandovskining o'rniga munosib to'purar topdi.

Nemis grandining nishoni Angliya terma jamoasi va Londonning "Tottenxem" klubi markaziy hujumchisi Xarri Keyndir.

Bundesliga chempioni ingliz klubi vakillari bilan bog'lanib, ushbu transfer ustida ish boshlagan.

Keyn "Tottenxem"da 2011 yildan beri to'p tepadi. Uning klub bilan shartnomasi 2024 yilning yoziga qadar tuzilgan va transfer narxi 90 million evroga baholanmoqda.

Xarri o'tgan mavsumda Premer-ligada 37 o'yinda 17 gol urdi va 9 golga assistentlik qildi.