Italiyada 20 yoshli futbolchi o'yin paytida vafot etdi
/ Kiritdi: BestMaster Ko'rilgan: 96
Italiyaning “Ferrina” klubini 20 yoshli himoyachisi Andrea Musiu Italiyadagi futbol uchrashuvi vaqtida vafot etdi, deb xabar bermoqda La Gazzetta dello Sport.
Voqea shanba kuni kechqurun Italiyaning Kalyari shahridagi futbol maydonida sodir bo'lgan. Do'stlari bilan o'yin vaqtida Musiu to'satdan o'zini yomon his qilib, hushini yo'qotgan va erga yiqilgan. Yigitga yordam berish uchun ikkita tez yordam mashinasi etib kelgan, biroq futbolchini reanimatsiya qilishning imkoni bo'lmagan.
Keyinroq “Ferrina” sport jamiyati futbol sektori rahbari Petro Kaddeo o'tgan yili Musiu yurakdagi muammolar tufayli tanaffus qilganini aytdi.
— Andrea yaxshi, aqlli yigit va bundan tashqari, juda iqtidorli edi. U so'nggi ikki mavsumdan beri bizning futbolchimiz, ammo sog'lig'i va yuragi bilan bog'liq muammolar borligi uchun jamoamiz tarkibida harakat qilmadi. Tez orada mashg'ulotlarni davom ettirishimiz kerak edi. "Ferrina" jamoasining barcha a'zosi Andrea uchun qayg'uda", - dedi Kaddeo.
Musiu "Kalyari"ning yoshlar jamoasida ham o'ynagan.