"Bavariya" bu yozda yana bir hujumchisini sotishga tayyor

Jurnalist Nikolo Skiraning xabar berishicha, "Bavariya" hujumchi Joshua Zirkzeeni sotishga tayyor.

Manbaga ko'ra, 21 yoshli niderlandiyalik myunxenliklar bosh murabbiyi Yulian Nagelsmanning rejalariga kiritilmagan.

Avvalroq futbolchiga "Bolonya' "Ayaks", PSV va bir qator Premer-liga klublari qiziqish bildirayotgani haqida xabar berilgandi.

O'tgan mavsumda Zirkzee "Anderlext"da ijara asosida o'ynadi. Hujumchi jamoa safida barcha musobaqalarda 47 ta uchrashuvda 18 ta gol urdi va 13 ta golli uzatmani amalga oshirdi. Transfermarkt.com portali futbolchining narxini 11 million evroga baholamoqda.