Navoiyda Konstitutsiyamiz qabul qilinganligining 26 yilligiga bag'ishlab futbol musobaqasi o'tkazildi

Navoiy viloyatida bolalar va o'smirlar futbol akademiyasining 2006 yilda tug'ilgan tarbiyalanuvchilari o'rtasida O'zbekiston Respublikasi Konstitutsiyasi qabul qilinganligining 26 yilligiga bag'ishlab futbol musobaqasi bo'lib o'tdi. 

Futbol musobaqasida yosh futbolchilar g'oliblik uchun astoyidil kurashib, bor kuch va mahoratlarini namoyish qilishdi. 

Musobaqa yakunida Navoiy viloyati futbol akademiyasi tarbiyalanuvchilari 1-o'rinni qo'lga kiritishdi. Ikkinchi o'rin Samarqand viloyati futbol akademiyasi vakillariga nasib qildi. 3-o'ringa esa Namangan futbol akademiyasi tarbiyalanuvchilari sazovor bo'lishdi.  

G'oliblarga viloyat futbol assotsiatsiyasi tomonidan Kubok, medallar, diplomlar va esdalik sovg'alari topshirildi.