Pau Torres APLga o'tishi mumkin, biroq "MYu"ga emas

Transfer bozori eksperti Fabritsio Romano, agar Gabriel jamoadan ketsa, "Vilyarreal" himoyachisi Pau Torres "Arsenal"ning nishoniga aylanishi mumkinligini aytdi.

"Agar biror bir top-klubdan Gabriel uchun taklif tushsa, Pau Torres "Arsenal" uchun variant bo'lishi mumkin", deydi Romano.

Gabrielga "Yuventus", "Barselona" va "PSJ" klublari qiziqish bildirmoqda. O'z navbatida, Torres "Manchester Yunayted"ga o'tishi mumkin edi, ammo "qizil iblislar" bosh murabbiyi Erik ten Xag "Ayaks"dan Lisandro Martinesni afzal ko'rdi.

Pau Torres o'tgan mavsumda La Ligada 33 ta o'yinda maydonga tushib, 5 ta gol urdi va 1 ta golli uzatmani amalga oshirdi.