Lempardga belgiyalik yarim himoyachi kerak

"Everton" "Vulverxempton" yarim himoyachisi Leander Dendonkerga qiziqish bildirmoqda, deb yozdi jurnalist Fabritsio Romano.

Manbaning xabariga ko'ra, Mersisayd klubi yozgi transfer oynasida futbolchini sotib olish imkonini ko'rib chiqmoqda. "Everton" bosh murabbiyi Frenk Lempard futbolchiga shaxsan qiziqmoqda.

27 yoshli Dendonker o'tgan mavsumda "bo'rilar" safida barcha turnirlarda 34 ta o'yinda maydonga tushib, 3 ta gol urdi va 4 ta golli uzatmani amalga oshirdi. Uning klub bilan shartnomasi 2023 yilning yoziga qadar mo'ljallangan.