"Manchester Yunayted" Depayga qiziqish bildirmoqda

"Manchester Yunayted" klubi "Barselona" hujumchisi Memfis Depay bilan shartnoma imzolashi mumkin. Bu haqda The Telegraph nashri xabar berdi.

Manbaga ko'ra, mankunianliklar hozirda kataloniyaliklar bilan transfer borasida muzokara olib bormoqda. "Barsa" 20 millionga futbolchi bilan xayrlashishga tayyor.

Depayning o'zi bu kelishuvga qanday fikrda ekanligi esa hozircha noma'lum. Uning "ko'k-anorranglilar" bilan shartnomasi 2023 yilda yakunlanadi.