«Uni to'xtatib bo'lmadi» – Aljirlik futbolchi antiqa gol urdi (video)

“Nitstsa” klubining aljirlik futbolchisi Yusuf Attal jamoasining “Gengam” bilan o'yini (3:0) da yirik g'alabasiga ajoyib goli bilan hissasini qo'shdi. Bu haqda Worldnews.uz axborot agentligi xabar bermoqda.

Gap shundaki, 22 yoshli futbolchi to'pni maydon markazida qabul qilib olib, oldinga qarab bordi va natijada antiqa gol urdi. “Gengam” himoyachilari futbolchini to'xtata olmadi. Raqib darvozaboni bilan yakkama-yakka chiqib borgan aljirlik bir navi qilib to'pni darvozaga yo'naltirdi.

Shunday qilib, Attal o'zining “Nitstsa” klubidagi gollari sonini 3 taga etkazdi. Ma'lumot o'rnida, “Nitstsa” Frantsiya chempionatining 34-turidan so'ng turnir jadvalida 7-o'rinni egallab turibdi.