"Vest Xem" italiyalik futbolchi uchun katta summa taklif etdi

Sky Sports xabariga ko'ra, "Vest Xem" "Sassuolo"ga hujumchi Janluka Skamakka bo'yicha rasmiy taklif bilan chiqdi.

"Bolg'achilar" 23 yoshli italiyalik uchun 40 million evro taklif qilishgan. Bonuslarni qo'shib hisoblaganda summa 7 millionga oshishi mumkin.

Manbaga ko'ra, italyan klubi rahbariyati hali ham futbolchining transferidan 50 million evro ishlab olishni kutmoqda.

2021/22-yilgi mavsumda Skamakka “Sassuolo” safida barcha musobaqalarda 38 ta o'yinda maydonga tushib, 16 ta gol urdi va 1 ta golli uzatmani amalga oshirdi.

Hujumchining italyan klubi bilan shartnomasi 2026 yilning 30 iyuniga qadar mo'ljallangan.