"Barselona"da Kunde transferidan tashqari yana bir reja bor

"Barselona" klubga markaziy himoyachi izlashda davom etmoqda.

Bu lavozimga navbatdagi nomzod milanning «Inter» klubi futbolchisi Milan Shkrinyar hisoblanadi.

"Sevilya" himoyachisi Jyul Kunde bilan bog'liq transfer voqealari hali tugamagan, biroq so'nggi xabarlar futbolchining "Barselona"ga o'tmasligini ko'rsatmoqda.

Kataloniya klubi Kunde o'rnini bosa oladigan futbolchilar ro'yxatini tuzdi va Shkrinyar ham shunday futbolchilardan biri. Biroq Slovakiya terma jamoasi himoyachisiga «PSJ» ham qiziqish bildirmoqda.