Bernardu Silva "Manchester Siti"ni tark etishi haqidagi mish-mishlarga izoh berdi

"Manchester Siti" va Portugaliya terma jamoasi yarim himoyachisi Bernardu Silva "PSJ" yoki "Barselona"ga o'tishi mumkinligi haqidagi mish-mishlarga munosabat bildirdi.

“Hozir eng muhimi mavsumga tayyorgarlik. Men “Man Siti”da ekanman, doim eng yaxshi o'yinimni ko'rsataman. Klub, muxlislar, jamoadoshlarim bilan ajoyib munosabatdaman, buni juda qadrlayman”, - deya Bernardoning so'zlarini keltiradi Sky Sports.

Futbolchi "Manchester Siti" bilan birgalikda to'rt marta Angliya chempioni bo'lgan. Silva “shaharliklar” safida jami 249 ta o'yin o'tkazib, 48 ta gol urgan va 50 ta golli uzatmani amalga oshirgan.