"Atalanta" "Inter" hujumchisini maqsad qilgan

"Atalanta" rahbariyati "Inter"dan futbolchi olmoqchi. Jurnalist Nikolo Skiraning so'zlariga ko'ra, “neradzurri” hujumchisi Andrea Pinamonti bergamoliklar jamoasiga o'tadi.

Insayder xabariga ko'ra, "Atalanta" 23 yoshli futbolchini sotib olish majburiyati bilan ijaraga olishga tayyorligini ma'lum qilgan. O'z navbatida, milanliklar Pinamonti sotuvidan 20 million evroga yaqin daromad olishni kutmoqda.

O'tgan mavsumda Andrea "Empoli"da ijara asosida o'ynadi. Hujumchi 37 ta uchrashuvda ishtirok etib, 13 ta gol urdi va 2 ta golli uzatmani amalga oshirdi.