Oblakning "Atletiko" bilan yangi shartnoma muddati e'lon qilindi

"Atletiko Madrid" va sloveniyalik darvozabon Yan Oblak o'rtasidagi yangi mehnat shartnomasi tafsilotlari ma'lum bo'ldi.

Insayder Fabritsio Romanoning so'zlariga ko'ra, darvozabonning Ispaniya top-klubi bilan shartnomasi 2025 yilning yoziga qadar uzaytiriladi. Avvalroq matbuotda futbolchining maoshi yiliga 12 million evrogacha oshirilishi haqida xabarlar tarqalgan edi.

Oblakning "matraschilar" bilan amaldagi mehnat shartnomasi muddati keyingi mavsum oxirigacha hisoblanadi. Yan 2014 yildan beri Madrid jamoasida o'ynab kelmoqda.

2021/2022 yilgi mavsumda 29 yoshli sloveniyalik futbolchi La Ligada 38 ta o'yin o'tkazib, 43 ta gol o'tkazib yuborgan.