Mbappe yapon futboli afsonasiga o'z libosini sovg'a qildi

Frantsiya terma jamoasi va "PSJ" jamoasi hujumchisi Kilian Mbappe mashhur yaponiyalik sobiq yarim himoyachi Xidetoshi Nakata bilan uchrashdi. Suhbat davomida frantsiyalik futbolchi osiyolik sobiq futbolchiga futbolkasini sovg'a qildi. Bu haqda parijlikliklarning ijtimoiy tarmoqlarida xabar berildi.

Eslatib o'tamiz, ayni damda Mbappe o'z jamoasi bilan Yaponiyada mavsumoldi turnesini o'tkazmoqda. Yaqinda bo'lib o'tgan sinov uchrashuvida Kristof Galte shogirdlari "Kavasaki Frontale" klubi bilan uchrashib, 2:1 hisobida g'alabani tantana qilishdi.

Frantsiya chempionatining yangi mavsumi 6 avgust kuni boshlanadi. Poytaxtliklar mavsumning birinchi turida "Klermon" jamoasiga qarshi maydonga chiqadi.