Fillips: "Men "Lids"ga xiyonat qila olmasdim"

"Manchester Siti"ning yangi xaridlaridan biri bo'lgan Kalvin Filipps nega "MYu"ga o'tmagani haqida gapirdi.

"Siz "MYu"ga o'tmaganim haqida so'rayapsizmi? Menda bunday qilishga imkoniyat bo'lmagan. Sizlar mening "Lids"ga sadoqatimni bilasizlar. Oila a'zolarim ham shu klub muxlislaridir."MYu"dek jamoa menga qiziqqanidan faxrlanaman. Chunki bu klub dunyoning eng katta jamoalaridan biridir. Ammo men "Lids"ga sodiq qolishim kerak edi va shunday qildim. Shu sababli Manchesterning boshqa tarafiga yo'l oldim. Meni futbolga olib kirgan klub ("Lids")ga xiyonat qila olmasdim" , — deydi Angliya terma jamoasi yarim himoyachisi.