Mane "Bavariya" uchun ilk golini urdi

“Bavariya” “Di Si Yunayted”ga qarshi o'rtoqlik uchrashuvida hisobni ochdi. O'yin Vashingtondagi Audi Field maydonida o'tkazilmoqda.

5-daqiqada hujumchi Sadio Mane penaltidan gol urdi. Uning uchun bu to'p Myunxen jamoasi libosidagi birinchisi bo'ldi.

30 yoshli senegallik futbolchi 1 iyul kuni “Liverpul”dan “Bavariya”ga 32 million evro evaziga o'tgan edi. U uch yillik shartnoma imzoladi.

Eslatib o'tamiz, bir necha kun oldin “Di Si Yunayted”ning yangi bosh murabbiyi etib angliyalik sobiq futbolchi Ueyn Runi tayinlandi.