"Barselona" Kundedan "Chelsi"ga o'tmasligini so'ramoqda

Kataloniyaning "Barselona" klubi Jyul Kundeni Londonning "Chelsi" klubiga o'tishga rozi bo'lmaslikka chaqirmoqda. Jurnalist Santi Aunaning so'zlariga ko'ra, "ko'k-anorranglilar" frantsiyalik futbolchini qo'lga kiritish umidini yo'qotmayapti.

Eslatib o'tamiz, "Sevilya" kecha "Chelsi"ning 55 million evrolik taklifini rad etgan edi. Biroq, London klubi himoyachi sotib olish uchun yangi urinishlar qilishga tayyor.

"Barselona" muqobil variantlarni ham ko'rib chiqmoqda. Katta ehtimol bilan Kataloniya klubi etiborini Matias de Ligt transferidan keyin jamoani tark etishi mumkin bo'lgan "Bavariya" himoyachisi Benjamin Pavarga qaratishi mumkin.