Matich Dibala sababli raqamini almashtirishiga to'g'ri keldi

"Roma" hujumchi Paulo Dibalani sotib olganini rasman e'lon qildi. Argentinalik hujumchi rimliklarga erkin agent sifatida yo'l oldi, chunki o'tgan mavsum oxirida uning "Yuventus" bilan shartnomasi yakuniga etdi.

"Roma" safida Paulo Dibala 21-raqam ostida to'p suradi. Qizig'i shundaki, bu raqamni avvalroq "bo'rilar"ning yana bir yangi futbolchisi Nemanya Matich tanlagandi. Serbiyalik futbolchi bu raqamni Dibalaga boy berdi va u 8-raqamni oldi, deya xabar beradi Rim klubi matbuot xizmati.

Paulo Dibala Argentina terma jamoasida ham 21-raqam ostida o'ynaydi. Shuningdek, argentinalik futbolchi "Yuventus"dagi ilk mavsumlarida aynan shu raqam ostida o'ynagan.