"Napoli" koreyalik himoyachini o'z safiga qo'shib olishga yaqin turibti

"Fenerbaxche" himoyachisi Kim Min Chje faoliyatini "Napoli"da davom ettirishga yaqin turibdi, deya xabar beradi jurnalist Nikolo Skira.

Manbaga ko'ra, neapolliklar 25 yoshli koreyalik futbolchini 19,5 million evroga sotib olish variantini faollashtirishga tayyor. Italiya klubi futbolchiga yiliga 2,5 million evro maosh bilan 2027 yilning iyun oyigacha shartnoma taklif qilmoqda.

Muzokaralar yakuniy bosqichda.

2021/22 yilgi mavsumda Kim Min Chje "Fenerbaxche" safida barcha musobaqalarda 39 ta o'yinda maydonga tushib, 1 ta gol urdi. Transfermarkt.com portali futbolchining narxini 14 million evroga baholamoqda.