"Lester" yarim himoyachisini sotishni rad etdi

"Lester Siti" "Monako"ning yarim himoyachi Bubakari Sumare bo'yicha taklifini rad etdi, deb xabar beradi Foot Mercato.

Manbaga ko'ra, monegaskliklar 23 yoshli frantsuz uchun 12 million evro taklif qilishgan, bonuslarni hisobga olsak, bu summa 15 million evrogacha ko'tarilishi mumkin. Ingliz klubi bu pul evaziga futbolchini sotishdan bosh tortdi, "tulkilar" yarim himoyachining narxini 20 million evroga baholamoqda.

Sumare o'tgan mavsumda "Lester" tarkibida 30 o'yinda 1 golga assistentlik qilgan. Transfermarkt.com portali futbolchining narxini 25 million evroga baholamoqda.