Murod Rizaev «el-klasiko» oldidan o'z fikrlari bilan o'rtoklashdi
/ Kiritdi: BestMaster Ko'rilgan: 131
«El-klasiko» yaqin do'stlar! Garchi bahs Amerika diyorida bo'lib o'tsa-da, garchi o'rtoqlik uchrashuvi maqomiga ega bo'lsa-da, garchi yangilar ushbu o'yinda sinovdan o'tkazilsa-da, garchi o'yin vaqti qaerdadir 8.00 ga to'g'ri kelsa-da, bu baribir «el-klasiko». Dunyo ikkiga bo'linaveradi.
Ma'lumotlarga qaraydigan bo'lsam, bu rasmiy yubiley 250-«el-klasiko» bo'larkan. Hozirgacha 249 o'yinda roppa-rosa 100ta g'alaba "Real"da, 97ta g'alaba "Barselona"da. 52ta uchrashuv durang natija bilan yakunlangan. Esingizda bo'lsa, 100-g'alabani "Real" jamoasi Ispaniya superkubogi yarim finalida qo'lga kiritgan edi. Asosiy vaqtda — 2:2. Ekstra taymda Valverdening goli "iiaymaiiranglilar"ga g'alaba keltirgan edi — 3:2.
Lekin oxirgi «klasiko»da "Real" o'z uyida Benzemasiz 0:4 hisobida yutqazgan bo'lsa-da, keyinchalik butun dunyoni yana xayron qoldira oldi. La Liga, Kubok, Superkubok, EChL xullas turli xil musobaqalarda bo'lib o'tgan qarama-qarshilikdagi o'zaro o'yinlarda "Madrid"da ustunlik bor. Faqatgina o'rtoqlik o'yinlardagi «el-klasiko»larda "Barsa" ancha oldinda. 32ta o'yin 18ta g'alaba va 10ta durang. Demak, "Real" 4 ta o'yinda g'alaba qozongan.
Bu safargi to'qnashuv ham o'rtoqlik maqomiga ega. Ikkala grand jamoada ham jiddiy o'zgarishlar bo'ldi. Biriga Robert Levandovski, Andreas Kristensen, Frank Kesse va Rafinya qo'shilgan bo'lsa, yana biriga Antonio Ryudiger va Orelen Tchuameni qo'shildi. Bu o'yinga murabbiylar baribir yangilarni tushirishsa kerak. Shu bois uchrashuv o'rtoqlik maqomiga ega bo'lsa-da jang "qurbon"siz bo'lmasligi aniq. Chunki Robert vaqt o'tayotganligini his qilyapti. Yangi jamoada ham gol ura olishini isbotlashi kerak. Adama Traore ketgandan keyin Usmonning ham ishi yurishib qolsa ajab emas. Fati ham katta bola bo'lib qoldi. Pedri ham mushaklarini ancha yaxshilab olgan. Benzema ham "Oltin to'p"ini olishdan oldin gol urib turishi kerak. "Vinnipux" bilan Rodrigo bu mavsum yanada faol bo'lishga harakat qilishadi.
Ha aytmoqchi, Azar uyg'onyapti-ku... Har holda uning o'zi katta va'dalar beryapti. Mashg'ulotlarda ham ancha faol. O'yin natijasini taxmin qilish judayam qiyin. Murabbiylarning bu o'yinga qanday yondoshishlariga va qarashlariga ko'p narsa bog'liq. Xavi Las-Vegasga bormagan-ku, deysizmi? U o'sha turgan joydan ham jamoasini boshqaraveradi. Kim biladi, balki futbolchilarda bosim kamroq bo'lar.
Xullas, bu safar ham ajoyib «klasiko» bo'ladi, deb umid qilaman. Faqat ishqibozlardan kattagina iltimos... Qaysi biri yutsa ham bir-biringizga so'kinib, og'izni harom qilmanglar. Bir-biringizni haqorat qilmanglar. Aksincha, tan berib tabriklashni o'rganinglar. Mana bu mardning ishi bo'ladi. Ikkalasi ham buyuk klublar. Shuni o'zi etarli bo'lishi kerak. Ikkalasiga ham omad.
Uchrashuv 24-iyul kuni Nevada shtati, Las-Vegas shahridagi "Venue Allegiant stadium"da Toshkent vaqti bilan ertalabki soat 8.00 da boshlanadi.
Murod Rizaev
"Barselona" "klasiko" oldidan "repititsiya"da "Inter Mayami" ustidan 6:0 hisobida zafar quchdi.
Bosh sahifaga
216
