"Milan" Tangangaga o'rinbosar topdi

Frankfurtning “Ayntraxt” klubi himoyachisi Evan Ndika Italiyaning top-klublaridan biriga o'tishi mumkin, deb yozadi insayder Fabritsio Romano o'zining ijtimoiy tarmog'ida.

Jurnalistning so'zlariga ko'ra, 22 yoshli frantsiyalik futbolchi milanliklar qiziqish doirasida bo'lib turibdi. "Rossonerilar" rahbariyati Ndikani Jafet Tangangaga muqobil variant sifatida ko'rib chiqmoqda.

Ndikaning transfer narxi 32 million evroga baholanmoqda. O'tgan mavsumda himoyachi frankfurtliklar safida 43 ta o'yinda ishtirok etib, to'rtta gol urdi va to'rtta golli uzatmaga mualliflik qilgan.