Arteta "Arsenal"ning yangi transferlari haqida gapirdi

"Arsenal" bosh murabbiyi Mikel Arteta Orlandoda bo'lib o'tgan jamoa yig'inida yozgi mavsumda amalga oshirilayotgan transferlar haqida gapirdi.

“Biz jamoani yaxshilashda davom etamiz. Biroq, bu jarayonda ishtirok etayotgan tomonlar shunchalik ko'pki, ba'zida ishlar biz xohlaganchalik tez sodir bo'lmaydi", - deya Arteta so'zlarini keltiradi London klubi rasmiy sayti.

Eslatib o'tamiz, yaqin orada "Arsenal" "Manchester Siti"dan ukrainalik Aleksandr Zinchenko transferini e'lon qilishi mumkin. Klublarning transfer borasidagi hamkorlikdagi ishlari yakuniy bosqichda. Ommaviy axborot vositalari manchesterliklar olishi mumkin bo'lgan turli miqdorlarni - 30 million evrodan 41 million evrogacha ko'rsatishdi.